சேர் எட்வின் ஆர்னோல்ட்
சேர் எட்வின் ஆர்னோல்ட் ஒரு பத்திரிகையாளர், ஆசிரியர் மற்றும் ஓரியண்டல் ஆய்வுக்கல்வியின் மாணவர் ஆவார். பிரித்தனியா சாம்ராஜ்யத்தின் தீவிர ஆதரவாளரான ஆர்னோல்ட் இந்தியாவின் பண்டைய கலாசார பாரம்பரியத்தை போற்றுபவர். அவர் முதலில் பள்ளி ஆசிரியராக இந்தியாவிற்கு (பூனா நகரம்) சென்று பின்னர் அதிபரானார். 1886 ஆம் ஆண்டு புத்தர்களின் புனிதத் தலங்களில் ஒன்றான புத்த கயாவை மீண்டும் கண்டுபிடித்து அதை ஆங்கிலம் பேசும் உலகின் கவனத்திற்குக் கொண்டு வந்த பெருமை அவரைச் சாரும் .
அவர் புத்தரின் வாழ்க்கை மற்றும் செய்தியை விவரிக்கும் ஒரு நினைவுச்சின்ன கவிதையை ' ஆசியாவின் ஒளி' எழுதினார். புத்தருக்கும் அறிவியலுக்கும் இடையே உள்ள பிணைப்பைக் காட்டும் உலகெங்கிலும், குறிப்பாக அமெரிக்கா மற்றும் ஐரோப்பாவில் உள்ள அறிவுஜீவிகளை இக்கவிதை ஈர்த்தது . இலங்கையில், அனகாரிக தர்மபாலாவிற்கு புத்த கயாவின் நிர்வாகக் கட்டுப்பாட்டை பௌத்தர்களிடம் திரும்பப் பெறுவதற்கான உலகளாவிய பிரச்சாரத்தைத் தொடங்குவதற்கான உந்துதலாக அமைந்தது .
லண்டன் டெய்லி டெலிகிராப் நாளிதழில் ஆர்னோல்டின் கட்டுரைகள் புத்த கயாவை பௌத்தர்கள் அல்லாதவர்களின் கட்டுப்பாட்டிலிருந்து விடுவித்து அதன் பழமையான மகிமைக்கு மீட்டெடுக்கும் தர்மபாலவின் முயற்சிகளை முழுமையாக ஆதரித்தன. இதற்கு அவர் அக்காலத்தின் செல்வாக்குமிக்க காலனித்துவ ஆளுமைகளுடன் லண்டனில் இருந்த காலத்தில் ஆதரவைத் திரட்டினார்.
ஆர்னோல்டும் அங்காரிகா தர்மபாலவும் நெருங்கிய நட்பைப் பேணி வந்தனர், ஒவ்வொரு முறையும் அங்காரிகா லண்டனுக்குச் செல்லும் போதெல்லாம் ஆர்னோல்ட் அவரை கப்பல்துறையில் அவரை வரவேற்று, வீட்டில் விருந்தளித்த்துடன் இங்கிலாந்தில் உள்ள அறிவுஜீவிகளின் வலையமைப்பிற்கு அறிமுகப்படுத்தினார். அவர் ஆங்கிலம் மட்டுமல்ல, ஜப்பானியம், லத்தீன், பாலி, சமஸ்கிருதம், துருக்கியம், அரபு, கிரேக்கம், பிரஞ்சு, ஜெர்மன், ஹீப்ரு, பாரசீகம் மற்றும் மராத்தி ஆகிய மொழிகளில் சிறந்த மொழியாளராக இருந்தார். டி.எச். லாரன்ஸ், டி.எஸ். எலியட், ருட்யார்ட் கிப்ளிங், டபிள்யூ.பி. யீட்ஸ், லியோ டால்ஸ்டாய் மற்றும் ஜேம்ஸ் மேஸ்ஃபீல்ட் போன்றவர்கள் மத்தியில் அவரது புகழ்பெற்ற கவிதை மற்றும் அவரது எழுத்துக்கள் குறிப்பிடத்தக்க தாக்கத்தை ஏற்படுத்தியன . சர் வின்ஸ்டன் சர்ச்சில், ஜவஹர்லால் நேருவுக்கு எழுதும் போது, கவிதையின் தலைப்பை மேற்கோள் காட்டுவார், அதன் நகலை நேரு இந்தியாவில் பிரிட்டிஷ் சிறையில் அரசியல் செயல்பாட்டிற்காக சிறையில் அடைக்கும் போதெல்லாம் தன்னுடன் வைத்திருந்தார். கவிதை ஏனைய 13 மொழிகளில் மொழிபெயர்க்கப்பட்டது மற்றும் நாடகங்கள், திரைப்படங்கள் மற்றும் ஓபராக்களில் சித்தரிக்கப்பட்டது. ஏறக்குறைய ஒவ்வொரு இலங்கை பௌத்த குடும்பமும் தங்கள் வீடுகளில் ஆசியாவின் ஒளியின் பிரதியை வைத்திருந்தனர். ஆர்னோல்ட் மூன்று முறை திருமணம் செய்து கொண்டார், கடைசியாக ஒரு ஜப்பானிய பெண்மணியை திருமணம் செய்தார் . அவருக்கு நான்கு மகன்கள் இருந்தனர், அவர்களில் ஒருவர் இலங்கையில் சிறிது காலம் கோப்பித் தோட்டம் செய்பவராக இருந்தார். 19ஆம் நூற்றாண்டின் பிற்பகுதியிலும் 20ஆம் நூற்றாண்டின் முற்பகுதியிலும் உலகையே அதிரவைத்த சேர் எட்வின் அர்னோல்ட் மற்றும் அவரது புதுக்கவிதைகள் நினைவாக இலங்கையில் உள்ள YMBA (YMBA (Young Mens Buddhist Association)) ஆசியாவின் லைட் ஒஃப் ஆசியா சொற்பொழிவுப் போட்டியை ஆண்டுதோறும் நடத்துகிறது.
மேலும் விவரங்களுக்கு பார்க்கவும்:
https://www.gutenberg.org/ebooks/8920
https://www.bps.lk/olib/wh/wh159_Peiris_Edwin-Arnold--His-Service-To-Buddhism.html
ரமேஷ், ஜே (2021). ஆசியாவின் ஒளி: இந்தியாவை வரையறுத்த கவிதை. பென்குயின், குர்கான்.